Biz haqimizda

2020-yil 29-iyulda O‘zbekiston Respublikasi “O‘zarxiv” agentligi direktori Ulug‘bek Yusupov va Amerika Qo‘shma Shtatlari Xolokost yodgorlik muzeyi direktori Rebekka Boeling o‘rtasidagi hamkorlikni davom ettirish maqsadida shartnoma imzolandi.

Hujjatlar bilan tanishish, nusxalari bilan almashinish imkoniyatlarini yaratish

O‘zbekiston mutaxassislari uchun o‘quv va tadqiqot almashuvini tashkil etish

Qog‘oz va elektron ko‘rinishdagi arxiv hujjatlarini boshqarish va amaliy malaka almashish

Arxiv hujjatlarni aniqlash, raqamlashtirish, ma’lumotlar bazasini shakllantirish

Ilk bor 2003-yilda O‘zbekiston Respublikasi “O‘zarxiv” agentligi va Amerika Qo‘shma Shtatlari Xolokost yodgorlik muzeyi o‘rtasidagi hamkorlik aloqalari to‘g‘risidagi shartnoma tuzilgandi. Unga ko‘ra, O‘zbekiston Markaziy davlat arxivi (hozirda O‘zbekiston Milliy arxiv)da saqlanayotgan ikkinchi jahon urushi yillari O‘zbekistonga urush sarhadlaridan evakuatsiya qilingan yahudiylar taqdiri bilan bog‘liq ayrim arxiv materiallarini aniqlash, raqamlashtirish va Amerika Qo‘shma Shtatlari Xolokost yodgorlik muzeyiga taqdim etilish ishlari olib borilgan. Natijada urush davrida respublikada yashagan 155 000 yahudiylar to‘g‘risida ma’lumotlar bazasi yaratilgan. Hamkorlikning amaliy ahamiyati quyidagilarda namoyon bo‘ladi: - birinchidan, har ikki tomon tarixiga oid AQSh muzeyi va O‘zbekiston arxivlarida saqlanayotgan hujjatlar bilan tanishish, nusxalari bilan almashinish imkoniyatlarini yaratish; - ikkinchidan, O‘zbekiston mutaxassislari uchun o‘quv va tadqiqot dasturlarini tashkil etish; - uchinchidan, qog‘oz va elektron ko‘rinishdagi arxiv hujjatlarini boshqarish va saqlashni tashkil etish sohasida malaka almashish. Ikki muassasa o‘rtasida olib borilayotgan ilmiy-tadqiqot hamkorligi urush yillarida O‘zbekiston davlat arxivlarida saqlanayotgan urush yillari ko‘chirilgan aholining hayoti va faoliyatiga doir arxiv hujjatlarni aniqlash, raqamlashtirish, ma’lumotlar bazasini shakllantirish, va eng asosiysi foydalanuvchilarga yangi ma’lumotlarni taqdim etish imkoniyatlarini beradi.